Imeandikwa na Ibrahim Rojala,Kwa Msaada wa Mtandao
Mkurugenzi Mtendaji wa shirika la Mpango wa chakula duniani (WFP), Cindy McCain, amesema kwamba shirika hilo limesimamisha kwa muda usiojulikana safari za wafanyakazi wake huko Gaza, baada ya timu ya wafanyakazi wake kushambuliwa kwa risasi karibu na kituo cha jeshi la Israel siku ya Jumanne.
Bi. McCain ameeleza kwamba hilo halikubaliki kabisa na matukio kadhaa ya kiusalama ya hivi karibuni yalihatarisha maisha ya timu ya wafanyakazi wa WFP huko Gaza.
“Kama matukio ya Jumanne usiku yanavyoonyesha, mfumo wa sasa wa kumaliza mizozo haufanyi kazi, na hali hii haiwezi kuendelea. Natoa wito kwa viongozi wa Israel na pande zote zinazohusika katika mzozo huo kuchukua hatua mara moja kuhakikisha usalama na usalama wa wafanyakazi wote wa misaada huko Gaza.”amesema Bi. McCain
Wafanyakazi wawili wa WFP walioshambuliwa wakiwa ndani ya gari hawakujeruhiwa na maagizo ya mara kwa mara na yanayoendelea ya kuwahamisha yanaendelea kung’oa familia na shughuli za msaada wa chakula zinazokusudiwa kuzisaidia.
Wiki iliyopita, WFP ilipoteza ufikiaji wa ghala lake la tatu na la mwisho lililokuwa likifanya kazi katika eneo la kati la Gaza, wakati majiko matano ya kijamii yanayoendeshwa na WFP yalilazimika kuhamishwa na jumapili ya Agosti 25 maagizo ya kuhama yaliathiri kituo kikuu cha uendeshaji cha WFP huko Deir Al Balah, na kulazimisha timu yetu kuhama kwa mara ya tatu tangu vita kuanza.” Imesema WFP.
Aidha WFP imetoa wito kwa pande zote kuheshimu sheria ya kimataifa ya kibinadamu, kuhakikisha ulinzi wa wafanyakazi wa kibinadamu, na kuzingatia ahadi yao ya kuwezesha utoaji wa misaada muhimu na ya kuokoa maisha katika kipindi hiki ambacho kwa mujibu wa taarifa zilizopo imeelezwa kwamba Shirika hilo limepoteza jumla ya watumishi wake tisa tangu Israel ilipofanya uvamizi katika Ukanda wa Gaza na hali imeendelea kuwa ngumu kwa mashirika ya misaada kufanikisha shughuli zake katika Ukanda huo.
