Wananchi wa mtaa wa mkanyenye jijini Mwanza wameiomba serikali kuyaondoa magari ya mizigo yanayoegeshwa katika eneo hilo kwani yamekuwa chanzo cha uchafuzi wa mazingira na kuhofia kusababisha magonjwa ya mlipuko ikiwemo kipindupindu.
Wakizungumza na Jambo FM wananchi hao wamesema magari hayo yamekuwa chanzo kikubwa cha uharibifu wa barabara na chanzo kikubwa cha uzalishaji wa uchafu kwani baadhi ya madereva katika magari hayo wamekuwa wakitupa uchafu katika eneo hilo hali ambayo imefanya kuwe na mrundikano wa uchafu jambo ambalo linahatarisha hali ya usalama kwa wakazi wa eneo hilo.
