Rais wa Marekani, Donald Trump amemfukuza kazi Mwenyekiti wa Wakuu wa Pamoja wa Wafanyakazi, Jenerali wa Jeshi la Wanahewa C.Q. Brown na kuwaondosha Maamiri na Majenerali wengine watano.

Trump alisema kwenye chapisho lake la Truth Social kwamba atamteua aliyekuwa Luteni Jenerali Dan “Razin” Caine kurithi nafasi ya Brown, akivunja mila kwa kumwondoa mtu aliyestaafu kwa mara ya kwanza, ili kuwa Afisa Mkuu wa Kijeshi.

Pia atachukua nafasi ya Mkuu wa Jeshi la Wanamaji la Marekani, nafasi iliyokuwa ikishikiliwa na Admiral Lisa Franchetti, Mwanamke wa kwanza kuongoza jeshi, pamoja na Makamu Mkuu wa jeshi la anga, Pentagon ilisema.

Pia amewaondoa Mawakili wa Jaji Mkuu wa Jeshi, Jeshi la Wanamaji na Jeshi la Wanahewa, nyadhifa muhimu zinazohakikisha utekelezwaji wa haki ya kijeshi.

Uamuzi wa Trump unaanzisha kipindi cha msukosuko Pentagon, ambayo tayari ilikuwa ikikabiliana na marekebisho makubwa ya bajeti yake na mabadiliko kwa jeshi, chini ya sera mpya ya kigeni ya Trump ya Amerika Kwanza.