Waziri wa Afya Ummy Mwalimu amesema kwa mujibu wa tafiti zilizofanyika asilimia kubwa ya watu wenye magonjwa ya ngono wana maambukizi ya virusi vya UKIMWI.

Akizungumza katika hafla ya uzinduzi wa mpango jumuishi wa kudhibiti UKIMWI, magonjwa ya ngono na homa ya ini uliofanyika jijini Dar es Salaam Waziri Ummy, amesema utafiti uliofanyika mwaka 2016-17 umeonesha ugonjwa wa kaswende ulikuwa mara tano zaidi kwa watu wenye virusi vya UKIMWI ukilinganisha na asilimia 0.8 na watu wasio na maambukizi ya virusi vya UKIMWI.

Ameongeza kuwa wenye virusi vya UKIMWI walikuwa na dalili za kutokwa na uchafu na vidonda sehemu za siri kuliko wasio na maambukizi ya virusi vya UKIMWI.