Mchezo wa Ligi kuu Tanzania bara kati JKT Tanzania dhidi ya Yanga SC umeahirishwa kutokana na uwanja wa Meja Jenerali Isamuyo uliopo Mbweni Jijini Dar es Salaam kujaa maji na kutokana na mvua kubwa zinazoendelea kunyesha Jijini Dar es Salaam.
Kamishina wa mchezo huo Kamwaga Tambwe amethibitisha kuahirishwa kwa mchezo huo ambao kwa mujibu wa kanuni utapangiwa tarehe na muda mpya na Bodi ya Ligi Tanzania (TPLB.)
