Mbunge wa Hai Saashisha Mafue (CCM) ameihoji Serikali ni lini itaandika au kutengeneza filamu kuhusu ukoo wa Simba Bob Junior. Licha ya simba huyo kuuawa na wenzake, lakini bado anaonekana kuwa maarufu kwa na wabunge wanataka awekewe kumbukumbu ya kudumu.

Mafue amesema historia hiyo inaweza kuwa kivutio kikubwa kutoka kwa wageni na watalii wanaotembelea nchini Tanzania ili waweze kujua historia yake.

Hata hivyo, Naibu Waziri wa Michezo na Utamaduni Hamisi Mwinjuma amesema jambo hilo linahitaji ushirikishwaji wa pamoja kati ya wizara mbili.