Mtoto wa mwimbaji na Star kutoka Uganda, Jose Chameleone aitwae Abba Marcus Mayanja, amesema amesikitishwa sana na yale aliyoita maamuzi binafsi ya baba yake kuhusu afya yake.

Maneno yake yanakuja kujibu maswali mengi kuhusu hali mbaya ya afya ya baba yake, ambayo inasemekana ilifikia hatua mbaya wiki iliyopita na kusababisha kulazwa hospitalini.

Abba alisema kuwa baba yake anaumwa kongosho, hali inayotajwa kusababishwa na unywaji wa pombe mara kwa mara na akaonya kwamba bila mabadiliko katika tabia yake ya unywaji, baba yake anaweza kufariki dunia hivi karibuni.

Kwenye maelezo yake ya Tiktok amesema “Nataka mfahamu kuwa baba yangu akiendelea na mtindo huu, kwa mujibu wa madaktari, amebakiza miaka miwili, na hii inaniuma sana kwa sababu huyu ndiye baba yangu niliyemfahamu maisha yangu yote, kuliko mtu yeyote hapa duniani hata watu. wanaosikiliza muziki wake,” Abba .

Abba aliwataka mashabiki na marafiki wa baba yake kumpa sapoti anayohitaji ili kuimarisha afya yake na ustawi wake kwa ujumla.

“Tunatakiwa tushirikiane ili kumpa baba yangu msaada anaohitaji. Nimekerwa na hasira sana na baba yangu kwa sababu nahisi anafanya maamuzi ya ubinafsi. Nina ndugu wanne na hivyo baba yangu anahitaji kuwa hai ili kunitunza. ndugu,” Abba alisema.

 “Amekuwa akiambiwa mara kwa mara kutoka kwa madaktari wake, wataalamu wa afya kwamba hii ni tabia ambayo anatakiwa kuibadilisha,”

Abba, pia aliwataka wakosoaji kuacha kumshikilia mama yake, Daniella, kuwajibika kwa afya ya baba yake, akisisitiza kuwa hana uhusiano wowote na afya ya mwimbaji huyo staa kutoka Uganda.