WASIRA APATA MAPOKEZI YA KIPEKEE IRAMBA, KUTETA NA WANA CCM LEO

Na Saulo Stephen - Singida.

Makamu Mwenyekiti wa Chama Cha Mapinduzi (CCM) Bara, Stephen Wasira, amepokelewa kwa hamasa kubwa na viongozi, wanachama pamoja na wakereketwa wa chama hicho katika Wilaya ya Iramba mkoani Singida.

Mapokezi hayo yamefanyika katika Makao Makuu ya CCM Wilaya ya Iramba, yakiongozwa na Mwenyekiti wa CCM Mkoa wa Singida, Martha Mlata, akishirikiana na viongozi mbalimbali wa chama, huku wanachama na wakereketwa wakijitokeza kwa wingi kumpokea Makamu Mwenyekiti huyo wa CCM Bara.

Akiwa wilayani Iramba, Wasira anatarajiwa kufanya mikutano ya ndani na viongozi wa chama, pamoja na kuzungumza na wanachama na wakereketwa wa CCM kuhusu masuala mbalimbali yanayohusu chama na shughuli zake.

Ziara hiyo ni sehemu ya shughuli za Makamu Mwenyekiti huyo za kukutana na viongozi, wanachama na wakereketwa wa CCM katika maeneo mbalimbali, ikiwa na lengo la kuimarisha mshikamano, umoja na uhai wa chama.

Mapokezi ya Makamu Mwenyekiti wa CCM Bara, Stephen Masato Wasira, yamefanyika leo Agosti 20, 2026, katika Makao Makuu ya CCM Wilaya ya Iramba mkoani Singida.