Mwenyekiti wa Jumuiya ya Wazazi ya Chama cha Mapinduzi (CCM) Taifa, Fadhili Maganya amemtaka Makamu Mwenyekiti wa Chadema, John Heche, na wanaharakati wengine wanaokosoa Serikali kutembelea maeneo mbalimbali nchini, ili kujionea maendeleo na maboresho ya huduma yanayoendelea.
Maganya amesema hayo leo wilayani Mbulu mkoani Manyara alipotembelea hospitali ya Wilaya kukagua jengo la Baba, mama na mtoto.
Amesema baadhi ya wanasiasa wamekuwa wakidai Serikali haijafanya chochote, huku akiwataka wafike katika maeneo mbalimbali kuona ujenzi wa miundombinu, upatikanaji wa dawa na vifaa tiba pamoja na maboresho ya huduma kwa wananchi.
Amesema Tanzania ni nchi inayoendelea na maendeleo hayawezi kupatikana kwa wakati mmoja, hivyo ni muhimu kutambua hatua zilizofikiwa na kulinganisha huduma za sasa na hali ilivyokuwa miaka iliyopita.
“Tutawatengenezea ziara, watembee nchi hii hata kwa sampling baadhi ya mikoa tu, waone kazi kubwa ambayo imefanyika na inayoendelea kufanyika,” amesema Maganya.
Discussion
Reader comments
0 contributions