Skip to main content

WAJASILIAMALI WAIFAGILIA SERIKALI SHINYANGA FURSA YA USHIRIKI MAONESHO YA SABASABA

Na Eunice Kanumba – Shinyanga.

WAJASILIAMALI WAIFAGILIA SERIKALI SHINYANGA FURSA YA USHIRIKI MAONESHO YA SABASABA

Na Eunice Kanumba – Shinyanga.

Vikundi vya wajasiriamali   wadogo  mkoani Shinyanga  vinavyojishughulisha na usindikaji wa mazao  nakuongeza mnyororo wa thamani  vimeishukuru serikali mkoani Shinyanga kuwapa fursa ya kushiriki maonyesho ya kimataifa ya biashara ya hamsini maarufu kama maonyesho ya saba saba yanayotarajiwa kuanza mwanazoni mwa mwezi Julai 2026.

Wakizungumza na jambo media kuhusiana na fursa hizo baadhi ya wafanyabiashara waliopata firsa hiyo wakiwemo  wachimbaji wadogo pamoja na wanawake  na vijana waliopatiwa mikopo ya asilimia kumi na halimashauri za mkoa wa mkoa wa Shinyanga  wamesema  wameishukuru serukali kwa fursa hiyo na kwamba linakwenda kuwa jukwaa muhimu kwao  katika kujifunza kwa wafanyabiashara wengine na kubadilishana uzoefu.

Joseph Lukas ni mfanyabishara wa nguo za mitumba katika soko la Ngokolo manispaa ya Shinyanga hakusita kuelezea furaha yake kwa jambo media juu ya fursa hiyo na kwamba  itamuongezea uzoefu wa  namna ya kufanya biashara kutoka kwa wafanyabiashara wakubwa katika maonyesho hayo na kuweza kujua taratiu rasimi za mifumo mbalimbali ya kibiashara.

“Fursa hii kwetu ni muhimu sana kwasababu na sisi tunaitaji  kukua kibiashara  kwa hiyo tunaishukuru serikali  ya mkoa  na tunahaidi kwenda kujifunza Zaidi ili kukuza mitaji yetu kwani tutakwenda kukutana na wafanyabiashara wengi kutoka katika mataifa mbalimbali,“ amesema Lukas.

Hivi karibuni Mkuu wa mkoa wa Shinyanga Mboni Mhita akitoa taarifa ya ushiriki wa  mkoa huo  katika maonyesho ya hamsini ya  sabasaba amesema hii ni awamu ya pili kwa  mkoa huo kushiriki kwa mara ya kwanza mkoa huo  ulishiriki mwaka  2025 kwa mafanikio makubwa yaliyoleta matokeo chanya kwa wafanyabiashara katika mkoa huo.

 “Maonesho ya Sabasaba yameendelea kuwa moja ya jukwaa kubwa la kibiashara   nchini Tanzania, yakitoa fursa kwa wazalishaji na wafanyabiashara kujitangaza, kujifunza na kupanua mitandao ya kibiashara katika soko la kimataifa,” alisema RC Mhita.

Maonyesho ya  biashara ya sabasaba  ni jukwaa muhimu linalowakutanisha wafanyabiashara, wawekezaji, wazalishaji na watoa huduma kutoka Tanzania na mataifa mbalimbali duniani, Kupitia usimamizi wa TANTRADE, maonesho hayo yameendelea kukuza biashara, kuhamasisha uwekezaji na kutoa fursa kwa wafanyabiashara wadogo, wa kati na wakubwa kuonesha bidhaa na huduma zao kwa umma.

Join the conversation

What do you think about this story?

Share a useful perspective and keep the discussion respectful.

Keep reading

View all news
ON AIR
Jambo Assistant Tayari kukusaidia
JAMBO FM INTELLIGENCE

Kikomo cha maswali 6 kimefikiwa.Jaribu tena baada ya .
Utafiti utafunguka kwenye ukurasa kamili

Majibu ya AI yanaweza kuwa na makosa.