SHINYANGA MWENYEJI MAONESHO YA SIDO KITAIFA

Na Eunice Kanumba – Shinyanga.

Mkoa wa Shinyanga, unatarajiwa kuwa mwenyeji wa maonesho ya tano ya kitaifa ya bidhaa yanayoratibiwa na shirika la maendeleo la viwanda vidogo (SIDO)  yanayotarajia kuanza Oktoba 21-30, 2026, lengo likiwa ni kuwaleta wajasiliamali pamoja ikiwa ni pamoja na kubadilishana ujuzi, ubunifu na uzoefu miongoni mwao na kuongeza uzalishaji utakaowapelekea kuinuka kiuchumi.

Akizumgumza na waandishi wa habari mkoani Shinyanga kuhusiana na maonesho hayo, Mkurugenzi Mkuu wa SIDO Tanzania, Mhandisi Syilivesta Mpanduji amesema, maonyesho hayo yatawakusanya Zaidi  ya wajasiliamali 600 kutoka Tanzania bara na visiwani,pamoja  na taasisi za serikali na zisizokuwa  za serikali Zaidi ya 50, na kwamba maonyesho hayo yatafanyika katika uwanja wa Magufuli  katika manispaa ya Kahama mkoani humo.

Amesema , kupitia maonyesho  hayo wajasiriamli  watapata fursa ya  kujifunza na kuongeza wigo wa kuuza na kutambulisha bidhaa wanazozalisha ikiwa ni pamoja na kutoa fursa ya kuonyesha teknolojia mbalimbali zinazotoa fursa ya kuzalisha bidhaa hapa nchini.

Aidha, Mhandisi Mpandiji ameongeza kuwa   katika upendeleo wa pekee kundi la vijana litapewa fursa ya kuonyesha bidhaa mbalimbali wanazolisha katika miradi wanayoitekeleza lengo likiwa ni kuongeza wigo wa bidhaa za soko la kati kwa vijana kote nchini  

Kwa upande wake kaimu katibu tawala mkoa wa Shinyanga, David Lyamongi  amesema  maonesho hayo maonesho hayo kwa mwaka huu yamefanyika katika eneo sahihi, kwani Manispaa ya Kahama   ni mji unaokuwa kwa kasi lakini pia ni  kitovu cha biashara  na wajasiliamali.

Lyamongi amesema mkoa wa Shinyanga upo tayari kwa maonyesho hayo huku akiwataka wadau wote kushiriki mashindano hayo na kuwataka wajasiliamali wote katika mkoa wa Shinyanga kutumia fursa hiyo kujitokeza kwa wingi kushiriki katika maonyesho hayo

Amezitaka sekta binafsi na mkampuni makubwa pamoja na taasisi za kifedha yakiwemo mabenki  katika mkoa huo kuijitokeza kudhamini maonyesho hayo ili yafanyike kwa weledi na kuwataka wananchi kujitokeza kwa wingi yakiwemo maakundi maalumuya vijana na wanawake kujitokeza kujifunza namana ya kuanzisha viwanda vidogo

Nao baadhi ya wadau waliojitokeza katika kikao hicho cha waandishi wa habari akiwemo Kaimu meneja wa SIDO mkoa wa Shinyanga, Ally Mtware  amewaomba Wajasirimali wote kujitokeza kwa wingi  waweze kutafuta masoko huku mhahiri msaidizi wa chuo kikuu cha ushirika Moshi tawi la Kizumbi manispaa ya Shinyanga John Mwera akiwataka vijana kujitokeza kwa wingi ili kujifunza ushindani katika teknolojia.