Na Saulo Stephen - Singida.
Baada ya mgomo wa Wafanyabiashara wa Nyama mkoani Singida, Kaimu Sheikh wa Mkoa wa Singida, Sheikh Issa Simba, amewataka kuendelea na biashara hiyo, akisisitiza kuwa huduma ya nyama ni muhimu kwa wananchi.
Akizungumza na wanahabari ofisini kwake leo, Sheikh Simba amesema Serikali imekuwa ikiweka mipango mbalimbali kwa lengo la kuleta maendeleo na kuboresha maisha ya wananchi, hivyo ni muhimu wafanyabiashara kushirikiana na Serikali katika utekelezaji wa mipango hiyo.
Amesema wafanyabiashara na wananchi kwa ujumla wanapaswa kufuata maelekezo yanayotolewa na viongozi wa Serikali ili kuhakikisha amani, utulivu na mshikamano vinaendelea kudumishwa.
Sheikh Simba amesisitiza kuwa ushirikiano kati ya Serikali, wafanyabiashara na wananchi ni muhimu katika kutatua changamoto zinazojitokeza, huku akiwataka wafanyabiashara wa nyama kurejea katika shughuli zao na kuhakikisha huduma hiyo muhimu inaendelea kupatikana kwa wakazi wa Manispaa ya Singida.
Discussion
Reader comments
0 contributions