Mbunge wa zamani wa Iringa Mjini, Peter Msigwa ametangaza kurejea tena Chama cha Demokrasia na Maendeleo (CHADEMA), baada ya kukihama na kijiunga na Chama cha Mapinduzi (CCM).
Msigwa ametangaza uamuzi huo kupitia andiko lake la Instagram, akisema uamuzi huo umetokana na tafakuri ya kina kuhusu matukio ya ukiukwaji wa haki, utu pamoja na dhuluma dhidi ya uhai wa Binadamu.
“Kwa dhamira yangu binafsi leo nimejiondoa rasmi kutoka CCM na kurejea CHADEMA kwa kufuata taratibu zote za CHADEMA na Watanzania wote pamoja na wanachama wa CHADEMA,"
"walioumizwa au kukatishwa tamaa na msimamo wangu wa awali naomba radhi kwa dhati pale nilipokuwa kinyume na matarajio yetu ya pamoja katika safari ya kutafuta haki, utu na demokrasia ya kweli,” ilieleza sehemu ya taarifa hiyo.
Discussion
Reader comments
0 contributions