MANYARA: VIJANA ZAIDI YA 600 WATOAJI MAWAZO YA UBUNIFU MBULU

Na Afarah Suleiman, Mbulu - Manyara.

Zaidi ya vijana 600 Wilayani Mbulu Mkoani Manyara, wameshiriki utoaji mawazo ya ubunifu wa biashara, kwenye kongamano maalumu la Vijana Platform lililoandaliwa na Halmashauri hiyo.

‌Akizungumza katika kongamano hilo, Mkuu wa Wlaya ya Mbulu, Michael Semindu amesema Halmashauri  imetenga zaidi ya shilingi  milioni  mia mbili  kwa ajilili ya kuwawezesha vijana hao  kiuchumi  katika kutimiza malengo  yao.

Kwa upande wake afisa vijana Halmashauri ya Wilaya ya Mbulu, Edes Melly amesema kupitia kongamano hilo vijana wameanza kunufaika na fursa za  uchumi wa kidigitali, kwa kubuni teknolojia mbali mbali zitakazosaidia kutatua changamoto za kiuchumi na kijamii.

Nao baadhi ya vijana walioshiriki  kongamano hilo, wameomba  Serikali iwawezeshe kiuchumi ili waweze kujiajiri kupitia ubunifu wao.