Wananchi wa Kata ya Mtamaa Manispaa ya Singida, Mkoani Singida wamehimizwa kutambua na kutumia kikamilifu fursa mbalimbali zinazotengenezwa na kuwezeshwa na Serikali, kwa lengo la kujikwamua kiuchumi na kuboresha maisha yao.
Mbunge wa Jimbo la Singida Mjini, Yagi Kiaratu, ametoa rai hiyo katika ziara yake kwenye Kata ya Mtamaa, ikiwa ni sehemu ya kuendelea kuwa karibu na wananchi, kusikiliza maoni yao pamoja na kufahamu changamoto zinazowakabili katika maisha yao ya kila siku.
Mbunge wa Jimbo la Singida Mjini,Yagi Kiaratu akiongea na wananchi wa kata ya Mtamaa Jimboni kwake.
Amesisitiza kuwa uwepo wa fursa pekee hautoshi, bali wananchi wanapaswa kuzitambua, kuzichangamkia na kuzitumia kwa vitendo ili ziweze kuleta matokeo chanya katika familia zao na jamii kwa ujumla.
Sehemu ya Wananchi wa Mtamaa Wakiwa kwenye Mkutano wa Ziara ya Mbunge wa Singida Mjini Yagi Kiaratu.
Ziara hiyo inalenga kuimarisha mawasiliano kati ya wananchi na viongozi, huku Kiaratu akiendelea kusikiliza maoni na changamoto za wananchi kwa ajili ya kufahamu maeneo yanayohitaji ufuatiliaji na hatua zaidi.
Discussion
Reader comments
0 contributions