HASARA: TAA 400 ZA BARABARANI ZAHARIBIWA SHINYANGA, TANROADS YATOA TATHMINI

Na Eunice Kanumba –Shinyanga.

Wakala wa Barabara  nchini (TANROADS) mkoani Shinyanga, imebaini kuwepo kwa uharibifu wa taa za barabarani  400 zenye thamani ya  zaidi ya shilingi Milioni 839.2 hali ambayo imedaiwa kuleta hasara.

Hayo yameelezwa  na Meneja wa TANROADS Mkoa wa Shinyanga, Mhandisi Ntuli  Mwaikokesya wakati akiongea na waandishi wa habari  juu ya malalamiko ya wananchi kuhusu kutokuwepo kwa baadhi ya taa kwenye barabara huku akieleza uwekaji wa taa mpya  moja gharama yake ni shilingi Milioni 3.5 hadi Milioni 4.

Amesema, taa zilizo haribika ni 400 zenye thamani ya zaidi ya  shilingi Meneja wa TANROADS Mkoa wa Shinyanga, Mhandisi Ntuli  Mwaikokesya 839.2 ambapo baada ya kubaini  walianza ukarabati wa taa 259  uliogharimu zaidi ya shilingi Milioni 543.4.

Mhandisi Mwaikokesya  ameeleza kuwa barabara  ya  Manonga Nyasamba  kuna taa  184  zenye thamani  ya shilingi Milioni 386.02 ambazo  zimerekebishwa  ni taa 85   kwa  zaidi  ya shilingi  milioni 178.3 huku  Shinyanga – Bubiki  kuna taa 75  za  shilingi Milioni 157.3  ambazo hazijakarabatiwa ni taa 56 zenye thamani ya shilingi  117.4

“Katika ukarabati huo bado taa 114  zinatakiwa kurekebishwa kwa zaidi ya  shilingi Milioni  295.8   ambapo hatua zinazochukuliwa ni kuongea na viongozi wa maeneo husika ili kuhamasisha ulinzi shirikishi,” alisema Mhandisi  Mwaikokesya.

 Mwaikokesya amesema   maeneo ambayo hayajarekebishwa taa fedha zikipatikana  watajitahidi kuhakikisha marekebisho yanafanyika kwa haraka.

Ameongeza kuwa, kila mwananchi anatakiwa kuwa mlinzi  kwani serikali inawekeza fedha nyingi na wanaofanya uhalibifu wako ndani ya familia na jamii inayozunguka.

“Serikali ina majukumu mengi kuhakikisha inaleta maendeleo  lakini miundombinu isipolindwa tutakuwa hatutendea haki fedha zinazoletwa sababu tutakuwa kama tunakarabati mradi mmoja na maendeleo kuchelewa nakubaki kulalamika,” amesema  Mhandisi  Mwaikokesya.