DC KAGANDA AIASA JAMII KUTENDA YALIYO MEMA

Jamii imetakiwa kuendelea kutenda matendo  mema  wakati wote hata baada ya mfungo mtukufu wa Ramadhani na kwaresma ili  kuwa na jamii yenye hofu ya mwenyezi mungu .

Wito huo, umetolewa na Mkuu wa Wilaya ya Babati, Emmanuela Kaganda wakati  wa hafla ya futari iliyoandaliwa na Taasisi ya kuzuia na kupambana na rushwa (TAKUKURU), Mkoa wa Manyara iliyoambatana na utoaji wa zawadi kwa watoto yatima wa kituo cha Hosana cha mjini Babati.

Naye Kamanda wa TAKUKURU Mkoa wa Manyara, Bahati Haule amesema ni vyema jamii ikashiriki  kutenda  matendo mema yanayompendeza Mungu, ikiwa ni pamoja na  kufichua  vitendo vya rushwa.

kwa upande wake Mkurugenzi wa Kituo cha Watoto Yatima cha Hossana, Neema Munis ameishukuru TAKUKURU kwa kuwakumbuka watoto wenye uhitaji.