Na Eunice Kanumba – Shinyanga.

Kambarage vijana kwaya (KVC)  inayohudumu katika kanisa la African Inland Church (AICT) la mjini Shinyanga leo tarehe 22 August  2026 wamezindua rasmi maandalizi ya ibada ya mkesha wa tukio la nimebeba ushuhuda unaotarajiwa kufanyika  kiwanja cha kanisa la AICT Shinyanga katika eneo la Kambarage manispaa ya Shinyanga wenye lengo la kumtangaza Yesu kristo , kuliombea Amani taifa la Tanzania pamoja na kurekodi mubashara nyimbo za kwaya hiyo.

Mkesha wa ibada hiyo unatarajiwa  kufanyika Oktoba 16, 2026 katika Kanisa la AICT Kambarage, lililopo Manispaa ya Shinyanga,   kwa udhamini wa jambo fm pamoja na wadau wengine huku wananchi Zaidi ya 3000 wakitarajiwa kuhudhuria tukio hilo.

Akizungumza leo, Agosti 22, 2026, katika mkutano na waandishi wa habari uliofanyika  katika ukumbi wa Vigimark uliopo Mjini Shinyanga, Mwenyekiti wa kwaya hiyo , Heri Ndaki, amesema ibada ya mkesha huo ni  makutano katika kumwadhimisha Mungu, pamoja na kuomba Amani  iliyoasisiswa na viongozi wa taifa letu akiwemo mwalimu Julius Kambarage Nyerere iendelee na pasiwepo na machafuko ambayo yamewakumba baadhi ya mataifa hapa dumiani.

Amesema ni muhimu kwa viongozi wa dini na waumini kutoka madhehebu mbalimbali kuendelea kuungana katika kuliombea Taifa na kuhamasisha amani, upendo na mshikamano ndani ya jamii.

Naye  Mchungaji wa Kanisa la AICT Kambarage, Mapambano Jacob, amesema kanisa limeendelea kuwalea vijana na kwamba vijana wamekuwa na mchango mkubwa katika ujenzi wa taifa hivyo kanisa limeendelea kuwalea katika misingi ya kumjua mwenyezi Mungu ili kuwa na taaifa lenye maadili na kumjua mwenyezi Mungu.

Naye Mwenyekiti wa hamasa katika kwaya hiyo John Mathias sambamba na jambo fm ameanisha  pia wadau wengine walioshirikiana katika kufanikisha ibada hiyo  kuwa ni  pamoja na chuo cha sayansi za afya Kolandoto pamoja na hotel ya Vigimark iliyopo katika manispaa ya Shinyanga huku akiwataka wadau wengine kujitokeza kufadhili ibada hiyo ili kazi ya Mungu iweze kufanikiwa.

Aidha  Mwenyekiti wa Habari na Mawasiliano kwa Umma wa  kwaya hiyo  Reuben Emmanuel, amesema tamasha hilo litakuwa na uimbaji mubashara wa nyimbo zote 15 zinazounda albamu ya Nimebeba Ushuhuda na kuanisha mavazi na chapa  zikazotumika katika mkesha wa ibada hiyo   na kwamba kutakuwa na tshirt zitakazouzwa kuanzia shilingi 10000 za watoto, huku za wakubwa zikiwa ni shilingi 15000 za mikono mifupi pamoja na 25000 zile za mikono mirefu.

Ameomba wadau mbalimbali kuendelea kuunga mkono maandalizi ya tamasha hilo kwa kuchangia kupitia M-Pesa namba 58130016 au akaunti ya CRDB, AIC KVC Maendeleo, namba 0133583913800.

Wadau wanaotaka kupata maelezo zaidi kuhusu tamasha hilo wanaweza kuwasiliana na uongozi wa kwaya hiyo kupitia namba 0752-265721 au 0627-265721.