Kufuatia janga la moto lililotokea leo tarehe 30/01/2025 katika ofisi ya Mamlaka ya Mapato Tanzania (TRA), Mkoa wa Kikodi Kariakoo iliopo Mtaa wa Kipata, wamewafahamisha wafanyabiashara na wananchi kwa ujumla kwamba, huduma zote zimehamishiwa kwa muda katika ofisi zao zilizopo jengo la Diamond Plaza, lillopo makutano ya barabara ya Samora na mtaa wa Mirambo, Kata ya Kivukoni, pamoja na ofisi ya TRA iliyopo jengo la Mariam Tower, mtaa wa Shauri Moyo, eneo la Shule ya Uhuru jijini Dar es Salaam.

Mamlaka ya Mapato Tanzania (TRA) inapenda kuwashukuru Jeshi la Polisi, pamoja na Jeshi la Zimamoto na Uokoaji, na wananchi wote kwa ujumla kwa jitihada kubwa walizoonesha kufanikisha udhibiti wa janga la moto lililojitokeza. Tunaomba radhi kwa usumbufu uliojitokeza kwa walipakodi wa Mkoa wa Kikodi

Kariakoo na tunaahidi kutoa huduma katika ubora kama awali. Kwa maelezo zaidi, tafadhali tembelea ofisi za TRA zilizoainishwa hapo juu au wasiliana nao kupitia Kituo cha Huduma kwa Wateja kwa kupiga simu bure namba 0800780078, 0800750075, 0800160011 au barua pepe huduma@tra.go.tz au mitandao ya kijamii.