Mwanamke mmoja aliyefahamika kwa Jina la Happyness Khalfan (30) mkazi wa kata ya Mwendakulima wilayani Kahama mkoani Shinyanga amejeruhiwa mkono wake wa kushoto kwa kukatwa na Panga na mtu anayedaiwa kuwa ni mume wake aliyefahamika kwa jina la Charles Peter.
Akizungumza na Jambo FM Ofisini ofisini kwake Afisa kliniki mwandamizi wa kituo cha Afya Mwendakulima Leonard Mabula amesema kuwa alimpokea mwanamke huyo akiwa amejuruhiwa huku akiwa anavuja damu nyingi na kwamba kwa sasa anatakiwa kupata matibabu makubwa zaidi kutoka kwa wataalamu.
“Alifikishwa akiwa amejeruhiwa kwenye mkono wake,Tulimpokea saa 12 jioni na tuaanza kumpatia matibabu ikiwemo kumuongezea damu kwakuwa damu ilikuwa imemwagika sana,Kwa sasa anaendela vizuri ila anatakiwa kupatiwa matibu makubwa zaidi kwasababu kuna mishipa imekatika kabisa kuna wataalamu wanaweza kuunganisha” Amesema Mabula.
Kwa upande wake Happyness Khalfan aliyefikwa na mkasa huo
amesema kuwa hakuwa na ugomvi wowote na Mume wake kwa kipindi
kirefu na kwamba hali hiyo ilitokea baada ya Kwenda sehemu juzi na
kuchelewa kurudi ndipo alipomkuta mume wake amenuna na kuanza
kumpiga.
“Yani mimi na Mume wangu hatukuwa na ugomvi wowote ule,Tulitoka vizuri wakati wa kurudi mimi nikapita sehemu nikachelewa kurudi ndipo nikamkuta mwezangu amenuna akaanza kunipiga aliposhika panga nikawa nalizuia lisinikate ndo kwa bahati mbaya likawa limenikata hapa mkononi” Amesem Happyness.
Naye mtendaji wa kata ya Mwendakulima Vicent Ndesekio amesema kuwa wanalaani tukio hilo la ukatili kwa nguvu zote na kwamba watalifuatilia swala hili kwa undani ili sheria ichukua mkondo wake na kutoa wito kwa wana ndoa kuacha kujichukulia sheri mkononi pindi wanapokuwa na migogoro.
“Sisi kama kata tumeliokea kwa masikitiko makubwa swala hili la ukatili huu,Na tutasimama kuhakikisha aliyetekeleza tukio hili anakamatwa na kufikishwa kwenye vyombo vya Sheria na niwaombe wananchi wa kata ya mwendakulima msijichukulie sheria mkononi kwenye migogo ya ndoa maana sheria nayo itakuchukulia hatua,Hivyo mkiwa na shida kwenye ndoa njooni ofisini mtashauriwa.”
Jambo FM bado inaendelea na juhudi za kumtafuta kamanda wa Polisi Mkoa wa Shinyanga Janeth Magomi ili kupata uthibitisho wa jeshi la Polisi na
Hatua iliyochukuliwa.
